«Napoli» sport direktori Jovanni Manna «adzurri» hujumchisi Romelu Lukaku shu yozda klubni tark etishi mumkinligi haqidagi mish-mishlarni tasdiqladi.

«Rom ta’tildan qaytgach, uchrashib, uning vaziyatini baholab olishimiz kerak», — deydi Mannaning so‘zlaridan iqtibos keltirgan insayder Fabrisio Romano.

Oldinroq Neapol klubi yoshi o‘tib qolgan belgiyalik futbolchi bo‘yicha takliflarni ko‘rib chiqishga tayyorligi haqida xabar berilgan edi. Hujumchi 2024 yildan beri «Napoli» sharafini himoya qilib kelmoqda, uning klub bilan amaldagi shartnomasi yana bir yilga mo‘ljallangan.

Qayd etish joizki, Lukaku o‘tgan mavsumni butunlay omadsiz o‘tkazdi. U «Napoli» safida Italiya A Seriyasida bor-yo‘g‘i 5 ta o‘yinda maydonga tushib, atigi 1 ta gol urishga muvaffaq bo‘ldi.