«Kristal Pelas» va Fransiya terma jamoasi himoyachisi Maksans Lakrua Angliya Premyer-ligasining boshqa bir klubi — Londonning «Chelsi» jamoasiga o‘tishga yaqin turibdi. Bu haqda Give me Sport insayder Fabrisio Romanoga tayanib xabar bermoqda.
«Chelsi»da hali qilinadigan ishlar juda ko‘p. Kunning bosh yangiligi — Lakruaning «Kristal Pelas»dan transfer qilinishi. Menga xabar berishlaricha, bitim juda tez fursatlarda amalga oshadi», — dedi insayder.
26 yoshli himoyachi 2024 yilning avgustidan beri «burgutlar» sharafini himoya qilib kelmoqda. Lakrua va «Kristal Pelas» o‘rtasidagi amaldagi mehnat shartnomasi 2029 yil iyun oyi oxirigacha mo‘ljallangan. Transfermarkt portali ekspertlari Maksansning bozor qiymatini 50 million yevroga baholamoqda.
