Germaniya terma jamoasining yangi bosh murabbiyi Yurgen Klopp tayinloviga bag‘ishlangan matbuot anjumanida chiqish qildi. Mutaxassis 2030 yilgacha mo‘ljallangan shartnomaga imzo chekdi.

Boshqa mavzular qatorida jurnalistlar Yozua Kimmix nomzodiga ham to‘xtalib, Klopp uni maydonda qaysi pozisiyada ko‘rayotgani haqida so‘rashdi.

«Men bu yerda maydondagi pozisiyalarni taqsimlamoqchi emasman. Haqiqatan ham juda kuchli bo‘lgan va o‘ynashni xohlagan futbolchi maydonga tushadi. Terma jamoa libosini kiyishlari bilan ular biroz bo‘lsa-da yaxshiroq bo‘lishadi», — dedi Klopp Welt nashriga.

«Terma jamoada o‘ynash huquqiga ega bo‘lgan har bir futbolchi harakat qilishi kerak. Men buni kuzataman. Bugun biz hech kimning ustidan chiziq tortmaymiz. Bu qayta yuklanish», — deya qo‘shimcha qildi u.

Germaniya terma jamoasining yaqin oradagi o‘yinlari sentyabr oyining oxirida bo‘lib o‘tadi. Niderlandiya, Gresiya va Serbiyaga qarshi o‘yinlar UYEFA Millatlar ligasi musobaqasi doirasida o‘tkaziladi.