Германия терма жамоасининг янги бош мураббийи Юрген Клопп тайинловига бағишланган матбуот анжуманида чиқиш қилди. Мутахассис 2030 йилгача мўлжалланган шартномага имзо чекди.
Бошқа мавзулар қаторида журналистлар Йозуа Киммих номзодига ҳам тўхталиб, Клопп уни майдонда қайси позицияда кўраётгани ҳақида сўрашди.
«Мен бу ерда майдондаги позицияларни тақсимламоқчи эмасман. Ҳақиқатан ҳам жуда кучли бўлган ва ўйнашни хоҳлаган футболчи майдонга тушади. Терма жамоа либосини кийишлари билан улар бироз бўлса-да яхшироқ бўлишади», — деди Клопп Welt нашрига.
«Терма жамоада ўйнаш ҳуқуқига эга бўлган ҳар бир футболчи ҳаракат қилиши керак. Мен буни кузатаман. Бугун биз ҳеч кимнинг устидан чизиқ тортмаймиз. Бу қайта юкланиш», — дея қўшимча қилди у.
Германия терма жамоасининг яқин орадаги ўйинлари сентябрь ойининг охирида бўлиб ўтади. Нидерландия, Греция ва Сербияга қарши ўйинлар УЕФА Миллатлар лигаси мусобақаси доирасида ўтказилади.
