«Barselona» London klubini tark etishni istayotgan «Tottenxem» markaziy himoyachisi Kristian Romeroning vaziyatini diqqat bilan kuzatib bormoqda. Argentinalik futbolchi agar «shporlar» bilan kelishuvga erishsa, shu yozda jamoadan ketadi. Bu haqda Sport.es xabar bermoqda.
Manbaning ma’lumotiga ko‘ra, «Tottenxem» Romeroni 50 million yevroga baholamoqda — bu summa «Barselona» uchun muammoga aylanishi mumkin. Himoyachining atrofidagilar «Inter» bilan ham muzokaralar olib bormoqda. Argentinalikning o‘zi «Tottenxem»ga o‘tguniga qadar o‘ynagan Italiya chempionatiga qaytishga tayyor.
O‘tgan mavsumda Romero barcha musobaqalarda 32 ta o‘yinda maydonga tushib, 6 ta gol urdi va 4 ta golli uzatmani amalga oshirdi. Futbolchining klub bilan amaldagi mehnat shartnomasi 2029 yilning yozigacha mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor qiymati 50 million yevroni tashkil etadi.
