Hujumchi Xulian Alvares «Barselona»da o‘ynash istagida ekanini bir necha bor shama qilgan edi. Shunga qaramay, «Atletiko» argentinalik futbolchini kataloniyaliklarga sotish niyatida emas.
La SER manbasiga tayanib The Touchline bergan xabarga ko‘ra, «Atletiko»ning pozisiyasi o‘zgarmasdan qolmoqda: «matraschilar» Alvaresni «Barselona»ga sotmaydi. Madridliklar Xulianni sotishi mumkin bo‘lgan yagona klub bu — «Arsenal».
26 yoshli Xulian Alvares nufuzli Transfermarkt portali mutaxassislari tomonidan 120 million yevroga baholanmoqda. Avvalroq Alvares «Atletiko»ning shu yozda uni «Barselona»ga sotish bo‘yicha bergan va’dasini bajarmaganidan xafa bo‘lgani haqida xabar berilgan edi.
