Vinisius Juniorning «Real» bilan shartnomani uzaytirish bo‘yicha muzokaralari boshi berk ko‘chaga kirib qolgan. So‘nggi soatlarda Vinisius «Arsenal»ga o‘tishi mumkinligi haqida xabarlar paydo bo‘lmoqda — «kanonirlar» go‘yoki bunday imkoniyatni o‘rganib chiqishmoqda.
Jurnalist Ben Jeykobsning xabar berishicha, Vinisius Juniorning nomzodi «Liverpul»ga ham taklif qilingan. Biroq klub muzokaralarga kirishishni istamadi. Buning o‘rniga «qizillar» o‘ng qanot vingeri pozisiyasini kuchaytirishga e’tibor qaratishga qaror qilishdi.
Qayd etilishicha, Saudiya Arabistoni klublari, xususan «Al-Ahli» ham Vinisiusni sotib olishga harakat qilib ko‘rishi mumkin.
26 yoshli Vinisius Transfermarkt portali tomonidan 140 million yevroga baholanmoqda.
