Angliya Premyer-ligasining bir qator klublari «PSJ»ning 18 yoshli vingeri Ibrahim Mbaye bilan shartnoma imzolashga qiziqmoqda. RMC Sport nashrining xabar berishicha, yosh futbolchiga «Chelsi», «Liverpul» va «Manchester Siti» da’vogarlik qilmoqda.

Shuningdek, futbolchining o‘sishini sinchkovlik bilan kuzatib borayotgan klublar orasida «Tottenxem», «Bayer» va «Borussiya Dortmund» nomlari keltirilmoqda. Mbaye «PSJ» yoshlar akademiyasidan yetishib chiqqan eng istiqbolli o‘yinchilardan biri hisoblanadi.

Manba ma’lumotlariga ko‘ra, ortayotgan qiziqishga duch kelgan «PSJ» yaxshi taklif tushgan taqdirda o‘z tarbiyalanuvchisining ketishini istisno etmayapti. Biroq parijliklar rahbariyati futbolchi uchun 50 million yevro talab qilishda davom etmoqda. Yaqinda portugaliyalik Jorje Mendesh Mbayening agentiga aylandi.