«Chelsi» hujumchisi Liam Delap faoliyatini «Everton»da davom ettirishi mumkin. TEAMtalk xabariga tayanib Transfer News Live nashrining ma’lum qilishicha, aynan «iriskalar» 23 yoshli futbolchi uchun kechayotgan kurashda yetakchilik qilmoqda. «Nyukasl» va «Lids» ham forvard bo‘yicha muzokaralarni qayta boshlagan, «Brayton» va «Fulxem» esa vaziyatni kuzatishda davom etmoqda.
«Chelsi» Liam Delapni sotishga tayyor va imkon qadar tezroq xaridor topmoqchi. Futbolchining bozor qiymati Transfermarkt bahosiga ko‘ra 28 mln yevroni tashkil etadi, uning londonliklar bilan shartnomasi esa 2031 yilgacha mo‘ljallangan. Eslatib o‘tamiz, o‘tgan yozda poytaxt grandi Delapni «Ipsvich»dan 35 mln yevrodan ortiq mablag‘ga sotib olgan edi.
