«Челси» ҳужумчиси Лиам Делап фаолиятини «Эвертон»да давом эттириши мумкин. TEAMtalk хабарига таяниб Transfer News Live нашрининг маълум қилишича, айнан «ирискалар» 23 ёшли футболчи учун кечаётган курашда етакчилик қилмоқда. «Ньюкасл» ва «Лидс» ҳам форвард бўйича музокараларни қайта бошлаган, «Брайтон» ва «Фулхэм» эса вазиятни кузатишда давом этмоқда.
«Челси» Лиам Делапни сотишга тайёр ва имкон қадар тезроқ харидор топмоқчи. Футболчининг бозор қиймати Transfermarkt баҳосига кўра 28 млн еврони ташкил этади, унинг лондонликлар билан шартномаси эса 2031 йилгача мўлжалланган. Эслатиб ўтамиз, ўтган ёзда пойтахт гранди Делапни «Ипсвич»дан 35 млн евродан ортиқ маблағга сотиб олган эди.
