"Inter" argentinalik markaziy himoyachi Kristian Romeroning transferi bo‘yicha "Tottenxem" bilan kelishuvga erishdi. Bu haqda Italiyaning La Gazzetta dello Sport gazetasi xabar qildi.
"Neradzurrilar" endi Romeroning shaxsiy shartnomasi bo‘yicha muzokara olib boradi. Manbaga ko‘ra, bu yerda muammo bor: 28 yoshli futbolchi yiliga 8 million yevro maosh talab qilmoqda.
Yaqinda "Inter" bilan shartnoma imzolash uchun Milanga kelgan Jon Stounsning transferi bosh murabbiy Kristian Kivuning Romeroni sotib olish istagiga ta’sir qilmasligi ta’kidlanmoqda.
Transfermarkt "Tottenxem" markaziy himoyachisini 50 million yevroga baholamoqda.
