«Manchester Siti»ning italiyalik darvozaboni Janluidji Donnarumma Milanning «Inter» klubiga qarshi kechadigan bo‘lajak o‘rtoqlik o‘yini oldidan o‘z fikrlari bilan o‘rtoqlashdi. Bahs ertaga, 1 avgust kuni bo‘lib o‘tadi.

«Terma jamoadagi ba’zi jamoadoshlarimni va yaxshi do‘stlarimni yana ko‘raman. Biz tez-tez muloqot qilib turamiz, shu sababli «Inter» kabi buyuk jamoaga qarshi o‘ynash ikki karra yoqimli.

Bu yangi mavsumdagi birinchi o‘yinimiz bo‘ladi, bu esa har doim murakkab kechadi. Biz astoydil mehnat qilyapmiz, tayyor ekanimizni va yaxshi o‘yin ko‘rsatishga bo‘lgan kuchli ishtiyoqimizni namoyish etmoqchimiz. «Inter» futbolchilari ham nimalarga qodir ekanini ko‘rsatishni istashadi, shuning uchun bizni qo‘llab-quvvatlashga keladigan muxlislar uchun bu ajoyib tomosha bo‘ladi», — deya Donnarummaning so‘zlarini keltiradi City Xtra nashri.