«Манчестер Сити»нинг италиялик дарвозабони Жанлуиджи Доннарумма Миланнинг «Интер» клубига қарши кечадиган бўлажак ўртоқлик ўйини олдидан ўз фикрлари билан ўртоқлашди. Баҳс эртага, 1 август куни бўлиб ўтади.
«Терма жамоадаги баъзи жамоадошларимни ва яхши дўстларимни яна кўраман. Биз тез-тез мулоқот қилиб турамиз, шу сабабли «Интер» каби буюк жамоага қарши ўйнаш икки карра ёқимли.
Бу янги мавсумдаги биринчи ўйинимиз бўлади, бу эса ҳар доим мураккаб кечади. Биз астойдил меҳнат қиляпмиз, тайёр эканимизни ва яхши ўйин кўрсатишга бўлган кучли иштиёқимизни намойиш этмоқчимиз. «Интер» футболчилари ҳам нималарга қодир эканини кўрсатишни исташади, шунинг учун бизни қўллаб-қувватлашга келадиган мухлислар учун бу ажойиб томоша бўлади», — дея Доннарумманинг сўзларини келтиради City Xtra нашри.
