Portugaliya terma jamoasi va «Milan» hujumchisi Rafael Leau faoliyatini «Manchester Yunayted»da davom ettirishi mumkin.
Mashhur insayder va jurnalist Nikolo Skiraning ijtimoiy tarmoqlardagi ma’lumotiga ko‘ra, Angliya klubi futbolchining ehtimoliy transferi borasida «Milan»ga so‘rov yuborgan.
Manbaga ko‘ra, «Milan» rahbariyati endilikda Leauni jamoaning teginilmas/asosiy o‘yinchisi deb hisoblamayapti va shu sababli uni sotish variantini ko‘rib chiqishga tayyor. Futbolchining o‘zi ham klubni va chempionatni o‘zgartirishga xaridor bo‘lib turibdi.
Oldinroq Turkiyaning «Fenerbaxche» va «Galatasaray» klublari ham 27 yoshli futbolchiga qiziqish bildirayotgani, Italiya klubi esa uni kamida 50 million yevroga qo‘yib yuborishi mumkinligi haqida xabarlar tarqalgan edi.
