«Liverpul» himoyachisi Jozef Gomes «Sanderlend»ga qarshi o‘rtoqlik uchrashuvida olgan jarohati sababli yangi mavsumning dastlabki o‘yinlarida jamoasiga yordam bera olmaydi. Jarohatning jiddiylik darajasi haqida «qizillar» bosh murabbiyi Andoni Iraola fikr bildirdi.
«Joda mushak jarohati bor. Bu darhol aniq bo‘ldi deb o‘ylayman, chunki u o‘sha zahoti muammodan shikoyat qildi. Ko‘p narsa tiklanish jarayoni qanday kechishiga bog‘liq, ammo u bir necha haftani o‘tkazib yuboradi.
Bu mushak jarohati, bunday shikastlanishlar bilan aniq qaytish sanasini aytish qiyin. Odatda men taxminan bir oylik muddatga tayanaman. Agar tiklanish juda yaxshi kechsa, muddat biroz kamroq bo‘lishi mumkin, aks holda ko‘proq vaqt talab etiladi.
Bu juda jiddiy jarohat emas, oddiy mushak jarohati, lekin mavsum boshiga u aniq tayyor bo‘lmaydi deb o‘ylayman, chunki vaqt juda kam qoldi. Biroq uning safdan chiqishi uzoqqa cho‘zilmasligi kerak», — deya Iraolaning so‘zlarini keltiradi «Liverpul» rasmiy sayti.
