«Ливерпуль» ҳимоячиси Жозеф Гомес «Сандерленд»га қарши ўртоқлик учрашувида олган жароҳати сабабли янги мавсумнинг дастлабки ўйинларида жамоасига ёрдам бера олмайди. Жароҳатнинг жиддийлик даражаси ҳақида «қизиллар» бош мураббийи Андони Ираола фикр билдирди.

«Жода мушак жароҳати бор. Бу дарҳол аниқ бўлди деб ўйлайман, чунки у ўша заҳоти муаммодан шикоят қилди. Кўп нарса тикланиш жараёни қандай кечишига боғлиқ, аммо у бир неча ҳафтани ўтказиб юборади.

Бу мушак жароҳати, бундай шикастланишлар билан аниқ қайтиш санасини айтиш қийин. Одатда мен тахминан бир ойлик муддатга таянаман. Агар тикланиш жуда яхши кечса, муддат бироз камроқ бўлиши мумкин, акс ҳолда кўпроқ вақт талаб этилади.

Бу жуда жиддий жароҳат эмас, оддий мушак жароҳати, лекин мавсум бошига у аниқ тайёр бўлмайди деб ўйлайман, чунки вақт жуда кам қолди. Бироқ унинг сафдан чиқиши узоққа чўзилмаслиги керак», — дея Ираоланинг сўзларини келтиради «Ливерпуль» расмий сайти.