«Liverpul» bosh murabbiyi Andoni Iraola yarim himoyachi Florian Virtsdan qaysi pozisiyada foydalanish niyatida ekanini aytib o‘tdi.
Ispaniyalik mutaxassis nemis futbolchisini Arne Slot davrida vaqti-vaqti bilan o‘ynagan chap qanotda emas, balki maydon markazida — hujumchining ortida ko‘rmoqda.
«Bizga Florianning eng yaxshi sport formasi kerak. Men uni ko‘proq hujumchi ortidagi pozisiyada ko‘ryapman. Ba’zida undan chap qanotda foydalanishganini bilamiz, ammo u bilan ishlashni aynan hujumchi ortida boshlaymiz», — dedi Iraola matbuot anjumanida.
Virts Germaniya terma jamoasida ham chap qanotda o‘ynagan, biroq u yerdan muntazam ravishda markazga ko‘chib o‘tib harakat qilar edi.
