«Atlanta Yunayted» «Napoli» hujumchisi Romelu Lukakuga qiziqish bildirmoqda.

Bu haqda jurnalist Sasha Tavolyeri o‘z sahifalarida ma’lum qildi. Manba bergan ma’lumotga ko‘ra, tomonlar shaxsiy shartnoma shartlari bo‘yicha kelishuvga erishish imkoniyatlarini o‘rganish uchun muzokaralarni boshlab yuborishgan. Shu bilan birga, bitim hali yakunlanishdan yiroq ekani ta’kidlanmoqda.

Lukaku 2024 yildan beri «Napoli» safida to‘p surib kelmoqda. Uning klub bilan amaldagi shartnomasi 2027 yilgacha mo‘ljallangan bo‘lib, 33 yoshli belgiyalik hujumchining transfer qiymati 6 million yevroga baholanmoqda.

Qo‘shimcha qilish joizki, «Atlanta» safida rossiyalik yarim himoyachi Aleksey Miranchuk ham harakat qiladi.