FIFA prezidenti Janni Infantino prezidentlik muddati tugaganidan so‘ng FIFA Forward Enterprise komissari lavozimini egallashni rejalashtirgan edi.

Uning asosiy maqsadi Jahon chempionati kabi bir nechta turnirlarni o‘tkazish huquqini va tashkilotdagi ulushini tashqi investorlarga sotish bo‘lgan. The Times gazetasining muxbiri Martin Ziglerning ijtimoiy tarmoqlardagi xabariga ko‘ra, uning bu lavozimdagi asosiy maoshi bonuslarni hisobga olmaganda yiliga 30 million dollarni tashkil etishi ko‘zda tutilgan.

Ammo Infantinoning rejasi amalga oshmaydigan bo‘ldi. Uning bu tashabbusi turli konfederasiyalarning noroziligini keltirib chiqardi. Hattoki, UEFA Jahon chempionatini boykot qilish bilan tahdid qildi.

Buyuk Britaniya bosh vaziri Endi Byornem esa Jahon chempionati sotiladigan tovar emasligi, futbol amaldorlarga emas, muxlislarga, xalqqa tegishli ekanini aytib chiqdi.