«Inter Mayami» «Napoli» yarim himoyachisi Kevin De Bryoynega yana qiziqish bildirmoqda. Mundo Deportivo xabariga ko‘ra, 35 yoshli belgiyalik futbolchi endi MLS'ga ko‘chib o‘tish ehtimoliga ijobiyroq qaramoqda.
Manba berayotgan ma’lumotlarga ko‘ra, Amerika klubi tarkibni zamonamizning eng yaxshi yarim himoyachilaridan biri bilan kuchaytirishni hamda De Bryoyneni Lionel Messi, Luis Suares, Kazemiro va Rodrigo De Paul bilan bir jamoada jamlashni rejalashtirmoqda.
Qayd etilishicha, avvalroq belgiyalikning AQSH chempionatiga o‘tishi ehtimoldan yiroqdek tuyulgan edi, biroq hozirda futbolchining o‘zi bu variantni ijobiyroq ko‘rib chiqa boshladi.
De Bryoyne 2025 yilning yozida «Manchester Siti» bilan shartnomasi yakuniga yetgach, «Napoli»ga o‘tgan edi. Uning Italiya klubi bilan kelishuvi yana bir mavsumga uzaytirish opsiyasi bilan 2027 yilgacha mo‘ljallangan.
