«Интер Майами» «Наполи» ярим ҳимоячиси Кевин Де Брёйнега яна қизиқиш билдирмоқда. Mundo Deportivo хабарига кўра, 35 ёшли бельгиялик футболчи энди MLS'га кўчиб ўтиш эҳтимолига ижобийроқ қарамоқда.
Манба бераётган маълумотларга кўра, Америка клуби таркибни замонамизнинг энг яхши ярим ҳимоячиларидан бири билан кучайтиришни ҳамда Де Брёйнени Лионель Месси, Луис Суарес, Каземиро ва Родриго Де Пауль билан бир жамоада жамлашни режалаштирмоқда.
Қайд этилишича, аввалроқ бельгияликнинг АҚШ чемпионатига ўтиши эҳтимолдан йироқдек туюлган эди, бироқ ҳозирда футболчининг ўзи бу вариантни ижобийроқ кўриб чиқа бошлади.
Де Брёйне 2025 йилнинг ёзида «Манчестер Сити» билан шартномаси якунига етгач, «Наполи»га ўтган эди. Унинг Италия клуби билан келишуви яна бир мавсумга узайтириш опцияси билан 2027 йилгача мўлжалланган.
