Xabarlarga ko‘ra, FIFA prezidenti Janni Infantino yillik maoshi 30 million dollar bo‘lishini kutgan.
FIFAning tijorat va turnir huquqlarini boshqarish uchun mo‘ljallangan FIFA Forward Enterprise kompaniyasi tashkil etilgandan so‘ng, Infantino uning boshqaruv jamoasiga qo‘shilishni rejalashtirgan.
The Times nashrining xabar berishicha, Infantino dastlab yangi kompaniyaning raisi va FIFA prezidenti lavozimini tugatgandan so‘ng bosh direktor bo‘lishni niyat qilgan. Bu lavozimda u bonuslarni hisobga olmaganda yiliga 30 million dollar ishlab topishi kutilgan edi.
Infantinoning 2025 yil uchun FIFAdan olgan umumiy kompensasiya paketi taxminan 6 million dollar bo‘lgan. Ushbu summaning 3,3 million dollari uning asosiy maoshi bo‘lib, qolgan qismi bonuslar va boshqa to‘lovlardan iborat edi.
Yangi kompaniya Jahon chempionati va boshqa FIFA turnirlariga ba’zi tijorat huquqlarini xususiy investorlarga sotishi rejalashtirilgan edi. Biroq, konfederasiyalar va milliy federasiyalarning e’tirozlaridan so‘ng, loyiha bekor qilindi.
