Xulian Alvaresning Madridning «Atletiko» klubidan «Barselona»ga o‘tish transferining taqdiri noaniqligicha qolmoqda.
The Touchline nashri jurnalist Viktor Navarroga tayangan holda xabar berishicha, «ko‘k-anorranglilar» o‘z takliflarini yaxshilashni rejalashtirmayapti, ammo hozircha uni qaytarib olish niyatida ham emas. Argentinalik futbolchi Kataloniya grandi uchun hujumchi pozisiyasidagi yagona variant bo‘lib qolmoqda — ayni vaqtda boshqa jiddiy nomzodlar yo‘q.
«Barselona»da Xulian Alvares tashabbusni o‘z qo‘liga olib, «matraschilar» rahbariyatidan transferni ma’qullashni ochiqchasiga so‘raydi, deb umid qilishmoqda. Transfermarkt portalida 26 yoshli futbolchining narxi 120 million yevroga baholanmoqda.
