«Liverpul» Bredli Barkola transferi bo‘yicha «PSJ»ga rasmiy taklif bilan chiqmoqchi.

Sky Sports xabariga ko‘ra, mersisaydliklar yaqin orada 23 yoshli Fransiyalik vinger bo‘yicha Parij klubi bilan muzokaralarni boshlashni rejalashtirmoqda. Biroq, bu bitim juda murakkab bo‘lishi ta’kidlanmoqda, chunki «PSJ» Barkolani taxminan 170 million yevroga baholamoqda.

Barkola 2023 yilning yozidan beri Fransiya grandi sharafini himoya qilib kelmoqda. Umuman olganda, u klub safida 152 ta o‘yin o‘tkazib, 39 ta gol urgan va jamoadoshlariga 37 ta golli uzatma bergan. Uning parijliklar bilan amaldagi shartnomasi 2028 yilgacha mo‘ljallangan bo‘lib, futbolchining bozor qiymati 90 million yevroga baholanmoqda.