«Ливерпуль» Брэдли Баркола трансфери бўйича «ПСЖ»га расмий таклиф билан чиқмоқчи.

Sky Sports хабарига кўра, мерсисайдликлар яқин орада 23 ёшли Франциялик вингер бўйича Париж клуби билан музокараларни бошлашни режалаштирмоқда. Бироқ, бу битим жуда мураккаб бўлиши таъкидланмоқда, чунки «ПСЖ» Барколани тахминан 170 миллион еврога баҳоламоқда.

Баркола 2023 йилнинг ёзидан бери Франция гранди шарафини ҳимоя қилиб келмоқда. Умуман олганда, у клуб сафида 152 та ўйин ўтказиб, 39 та гол урган ва жамоадошларига 37 та голли узатма берган. Унинг парижликлар билан амалдаги шартномаси 2028 йилгача мўлжалланган бўлиб, футболчининг бозор қиймати 90 миллион еврога баҳоланмоқда.