«PSJ»ning rossiyalik darvozaboni Matvey Safonov 2026/27 yilgi mavsum tayyorgarligining boshlanishi haqidagi taassurotlari bilan o‘rtoqlashdi.
«Ushbu mavsumning birinchi haftasi yakunlandi.
Uzoq davom etgan ta’til, shubhasiz, dam olish va futboldan chalg‘ish imkonini beradi. Mavsum uzoq kechgani va charchoq yig‘ilib qolganidan so‘ng bu juda muhim. Lekin, boshqa tomondan, ikki oy ichida sport formangizni jiddiy ravishda yo‘qotasiz. Shu sababli, bunday tanaffusdan keyin to‘liq mavsum oldi tayyorgarligi zarurligi mantiqan to‘g‘ri.
Xullas, tayyorgarlikning birinchi haftasi ortda qoldi. U jismoniy holatni qaytarish va texnik jihatlar ustida ishlashga qaratildi. Kundalik mashg‘ulotlar maromiga yana moslashish va tayyorgarlikning keyingi bosqichi uchun baza yaratish kerak.
Men uchun bu hafta hissiyotlar tebranishida o‘tdi. Charchoq, og‘ir mashg‘ulotlar va rejimga qaytish sababli meni doimo uyqusirash va kuchning umuman yo‘qligidan tetiklik hamda tarovatga qarab uloqtirib turdi. Hatto ertalab ahvolim idealga yaqindek tuyulgan bo‘lsa ham, ishga kelganda bu shunchaki illyuziya ekani ayon bo‘lardi.
Ishqilib, rejimga kirib oldim. Boshlang‘ich tushunchalarni eslab oldim, endi buyog‘iga o‘yinlar orqali formaga kiramiz. 5-sanada — «Malyorka», 8-sanada esa — «Manchester Yunayted». 12-sanadagi birinchi rasmiy o‘yinga tayyorlanish uchun juda mos keladigan qiziqarli o‘rtoqlik o‘yinlari», — deb yozdi Safonov o‘zining Telegram-kanalida.
12 avgust kuni «PSJ» Yevropa Superkubogi uchun «Aston Villa»ga qarshi maydonga tushadi.
