Fransiyaning nufuzli L'Équipe nashri o‘z muqovasini «PSJ» hujumchisi Xvicha Kvarasxeliyaga bag‘ishladi va unga «LE PRÉTENDANT» («Da’vogar») sarlavhasini qo‘ydi.
Nashrning ta’kidlashicha, o‘tgan Jahon chempionatida yorqin qahramonlar ko‘rinmagani fonida, «PSJ» vingeri Chempionlar Ligasidagi ajoyib mavsumi evaziga «Oltin to‘p»ga to‘laqonli nomzodga aylandi.
O‘tgan mavsumda Kvarasxeliya barcha turnirlarda 48 ta o‘yinda maydonga tushib, o‘z hisobiga 19 ta gol va 11 ta golli uzatma yozib qo‘ydi. Gruziyalik yarim himoyachining klub bilan amaldagi shartnomasi 2029 yilning yozigacha mo‘ljallangan. Transfermarkt ma’lumotlariga ko‘ra, futbolchining hozirgi bozor qiymati 140 million yevroga baholanmoqda.
