«Shaxtyor» bosh murabbiyi Arda Turan Donesk klubi Chempionlar Ligasining umumiy bosqichidagi uy o‘yinlarini qayerda o‘tkazishi haqidagi savolga izoh berdi.
«Chempionlar Ligasi o‘yinlari o‘tkaziladigan kelajakdagi manzil bo‘yicha Sergey Anatolyevich Palkin yoki Dario Srnaga murojaat qilgan ma’qul. Lokasiya uzil-kesil tasdiqlangach, ular aniq javob bera olishadi.
Har qanday holatda ham, uy o‘yinlarimizni qayerda o‘tkazishimizdan qat’i nazar, ukrainalik muxlislarni va «Shaxtyor» ishqibozlarini ko‘rishdan xursand bo‘lamiz. Biz ularning qo‘llab-quvvatlashiga hamda dunyoning istalgan nuqtasida biz uchun yaratib bera oladigan ajoyib muhitiga juda suyanamiz», — dedi Turanning so‘zlarini keltirgan «Ukrainskiy futbol».
Avvalroq «Shaxtyor» Chempionlar Ligasi umumiy bosqichidagi uy uchrashuvlarini Londonda o‘tkazishi mumkinligi haqida xabar berilgan edi, biroq klub hozircha bu ma’lumotni rasman tasdiqlagani yo‘q.
