Jurnalist Ruben Uriya o‘z YouTube kanalida «Atletiko» bosh direktori Migel Anxel Xil Marinning hujumchi Xulian Alvaresning kelajagi borasidagi pozisiyasi haqida gapirib berdi. Funksioner argentinalik futbolchini «Barselona» yoki «Real»ga qo‘yib yuborishdan hamon bosh tortmoqda.

«Xil Marinning fikricha, «Barselona» va «Real» Xulian Alvares orqali hammaning ko‘z oldida «Atletiko»ni tahqirlamoqchi bo‘lishgan. Aynan shu sababli u qat’iy pozisiyani egalladi va bu masalani «Atletiko» obro‘si hamda shaxsiy g‘ururi uchun shaxsiy masala sifatida qabul qildi. Shu bois u Xulianning o‘ziga va uning agentiga futbolchi «Barselona» yoki «Real»ga o‘tmasligini ma’lum qildi», — deydi Uriyaning so‘zlarini keltirgan Goal portali.

26 yoshli Xulian Alvares nufuzli Transfermarkt portali tomonidan 120 million yevroga baholanmoqda.