«Ayaks» direktori Yordi Kroyf hujumkor yarim himoyachi Mika Godts transferi bo‘yicha «PSJ» tomonidan berilgan taklifni rad etdi. Fransiya Liga 1 grandi 40 million yevro va yana 5 million yevro bonus ko‘rinishida taklif qilgan edi.
Kroyf Godts uchun 60 million yevrodan ortiq mablag‘ talab qilib, taklifni qaytardi. «Ayaks» direktori «PSJ» keng moliyaviy imkoniyatlarga ega ekanini va parijliklar futbolchilar sotuvidan allaqachon 160 million yevro atrofida daromad olishganini biladi. Bu haqda Mayk Verveyga tayanib The Touchline xabar bermoqda.
21 yoshli Mika Godts «Ayaks» safida 113 ta o‘yin o‘tkazib, 25 ta gol urgan va sheriklariga 27 ta golli uzatmani amalga oshirgan.
