«Аякс» директори Йорди Кройф ҳужумкор ярим ҳимоячи Мика Годтс трансфери бўйича «ПСЖ» томонидан берилган таклифни рад этди. Франция Лига 1 гранди 40 миллион евро ва яна 5 миллион евро бонус кўринишида таклиф қилган эди.

Кройф Годтс учун 60 миллион евродан ортиқ маблағ талаб қилиб, таклифни қайтарди. «Аякс» директори «ПСЖ» кенг молиявий имкониятларга эга эканини ва парижликлар футболчилар сотувидан аллақачон 160 миллион евро атрофида даромад олишганини билади. Бу ҳақда Майк Вервейга таяниб The Touchline хабар бермоқда.

21 ёшли Мика Годтс «Аякс» сафида 113 та ўйин ўтказиб, 25 та гол урган ва шерикларига 27 та голли узатмани амалга оширган.