Yevropa futbol assosiasiyalari ittifoqi (UYEFA) Chempionlar ligasi, Yevropa ligasi va Konferensiyalar ligasining umumiy bosqichlarida sariq kartochkalar to‘planish tizimi bo‘yicha yangi qoidalar joriy etilganini e’lon qildi.
Yangi qoidalarga ko‘ra, yevrokuboklarning umumiy bosqichida o‘yinchilar va jamoaning rasmiy shaxslari chetlatishga olib kelmagan to‘rtta sariq kartochka olganidan so‘ng diskvalifikasiya qilinadi. Keyinchalik diskvalifikasiya har bir keyingi juft sariq kartochkadan — olinchi, sekizinchi va hokazolardan so‘ng kuchga kiradi.
Yevrokuboklarning saralash bosqichlarida qoidalar ilgarigidek qoladi: diskvalifikasiya chetlatishga olib kelmagan uchta sariq kartochkadan so‘ng, keyin esa har bir keyingi toq kartochkadan so‘ng belgilanadi.
UYEFA ushbu o‘zgarishlarning kiritilishini 2024/2025 yilgi mavsumda kuchga kirgan yevrokuboklar formati islohoti bilan tushuntiradi. Chempionlar ligasi va Yevropa ligasining umumiy bosqichida o‘yinlar soni oltitadan so‘kkiztaga ko‘payishi sariq kartochkalar to‘planishi sababli tesh-tez diskvalifikasiyalarga olib keldi. Yangi qoidalar o‘yinlar soni va ruxsat berilgan ogohlantirishlar soni o‘rtasidagi muvozanatni saqlashga qaratilgan.
Bundan tashqari, ushbu turnirning umumiy bosqichi hali ham oltita o‘yindan iborat bo‘lishiga qaramay, yangi qoidalar Konferensiyalar ligasida ham amal qiladi. Bu qaror qishki transfer oynasida turli yevrokuboklar musobaqalarida ishtirok etayotgan klublar o‘rtasida futbolchilarning o‘tish imkoniyati bilan izohlanadi.
