Sky Sports News ma’lumotlariga ko‘ra, Jeydon Sancho bir qator klublardan takliflar olgan.
Olingan ma’lumotlarga ko‘ra, Sancho yakuniy qaror qabul qilishdan oldin Yevropa, Saudiya Arabistoni va Yaqin Sharqdan bo‘layotgan barcha variantlarni baholamoqda.
Avvalroq Dortmundning «Borussiya» klubi Sanchoni qaytarishga qiziqayotgani ma’lum bo‘lgan edi. Klub va Sanchoning vakillari o‘rtasidagi aloqa ochiqligicha qolmoqda.
Vinger yozda shartnomasi nihoyasiga yetgach, «Manchester Yunayted»ni tark etdi. Ilgari u ijara huquqi asosida «Borussiya», «Chelsi» va «Aston Villa» klublarida to‘p surgan edi.
