«Liverpul» «PSJ»ning yosh futbolchisi Ibraim Mbayeni sotib olishga qiziqish bildirmoqda.

«Qizillar» joriy transfer oynasi yopilguniga qadar parijliklar safini tark etishi kutilayotgan 18 yoshli vingerni o‘z safiga qo‘shib olish imkoniyatini ko‘rib chiqmoqda, deb xabar beradi jurnalist Ben Djeykobs. Rasmiy takliflar hozircha kelib tushgani yo‘q.

Mbayega, shuningdek, Fransiya grandi bilan to‘g‘ridan-to‘g‘ri muzokaralar olib borayotgan Leverkuzenning «Bayer» klubi ham da’vogarlik qilmoqda. Istiqbolli senegallik futbolchining transfer qiymati Transfermarkt portali tomonidan 30 million yevroga baholanmoqda.

Ibraim Mbaye «PSJ»ning asosiy jamoasi safida 42 ta o‘yin o‘tkazib, 4 ta gol va 4 ta golli uzatmaga mualliflik qilgan.