«Ливерпуль» «ПСЖ»нинг ёш футболчиси Ибраим Мбайени сотиб олишга қизиқиш билдирмоқда.
«Қизиллар» жорий трансфер ойнаси ёпилгунига қадар парижликлар сафини тарк этиши кутилаётган 18 ёшли вингерни ўз сафига қўшиб олиш имкониятини кўриб чиқмоқда, деб хабар беради журналист Бен Джейкобс. Расмий таклифлар ҳозирча келиб тушгани йўқ.
Мбайега, шунингдек, Франция гранди билан тўғридан-тўғри музокаралар олиб бораётган Леверкузеннинг «Байер» клуби ҳам даъвогарлик қилмоқда. Истиқболли сенегаллик футболчининг трансфер қиймати Transfermarkt портали томонидан 30 миллион еврога баҳоланмоқда.
Ибраим Мбайе «ПСЖ»нинг асосий жамоаси сафида 42 та ўйин ўтказиб, 4 та гол ва 4 та голли узатмага муаллифлик қилган.
