«Napoli» hujumchisi Romelu Lukaku mavsum oldi yig‘inlarida jamoa qarorgohiga etib kelmadi.
Jurnalist Fabrisio Romanoning o‘z sahifalarida xabar berishicha, 33 yoshli belgiyalik futbolchi joriy transfer oynasidayoq Neapol klubini tark etishni rejalashtirmoqda. Hujumchiga da’vogarlardan biri Amerikaning «Atlanta Yunayted» klubi hisoblanadi. Shu bilan birga, Lukakuning o‘zi faoliyatini davom ettirish uchun boshqa variantlarni ham ko‘rib chiqishda davom etmoqda.
Lukaku 2024 yilning yozidan beri «Napoli» safida to‘p surib kelmoqda. Uning klub bilan shartnomasi 2027 yilgacha mo‘ljallangan, bozor qiymati esa Transfermarkt ma’lumotlariga ko‘ra 6 million yevroga baholanmoqda.
