«Наполи» ҳужумчиси Ромелу Лукаку мавсум олди йиғинларида жамоа қароргоҳига этиб келмади.

Журналист Фабрицио Романонинг ўз саҳифаларида хабар беришича, 33 ёшли бельгиялик футболчи жорий трансфер ойнасидаёқ Неаполь клубини тарк этишни режалаштирмоқда. Ҳужумчига даъвогарлардан бири Американинг «Атланта Юнайтед» клуби ҳисобланади. Шу билан бирга, Лукакунинг ўзи фаолиятини давом эттириш учун бошқа вариантларни ҳам кўриб чиқишда давом этмоқда.

Лукаку 2024 йилнинг ёзидан бери «Наполи» сафида тўп суриб келмоқда. Унинг клуб билан шартномаси 2027 йилгача мўлжалланган, бозор қиймати эса Transfermarkt маълумотларига кўра 6 миллион еврога баҳоланмоқда.