«Barselona» bilan shartnomasi tugashiga bir yil qolgan hujumchi Ferran Torres kelajagi noaniq ekanini aytdi. Futbolchi atrofidagi vaziyatni uni sotib olishni ko‘rib chiqayotgan Londonning «Arsenal» klubi sinchkovlik bilan kuzatmoqda.
Ferran Torres o‘z kelajagi haqidagi savolga shunday javob berdi:
«Ko‘ramiz, nima bo‘larkin. Bor e’tiborim «Barselona»ga qaratilgan, ammo futbolda keyin nima bo‘lishini hech qachon bilmaysan».
«Barselona» 26 yoshli hujumchini sotishni rejalashtirmayapti. Biroq kelasi yozda uni tekinga boy bermaslik uchun shartnomasi tugab borayotgani klubni kelayotgan takliflarni ko‘rib chiqishga majbur qilishi mumkin.
