«Барселона» билан шартномаси тугашига бир йил қолган ҳужумчи Ферран Торрес келажаги ноаниқ эканини айтди. Футболчи атрофидаги вазиятни уни сотиб олишни кўриб чиқаётган Лондоннинг «Арсенал» клуби синчковлик билан кузатмоқда.
Ферран Торрес ўз келажаги ҳақидаги саволга шундай жавоб берди:
«Кўрамиз, нима бўларкин. Бор эътиборим «Барселона»га қаратилган, аммо футболда кейин нима бўлишини ҳеч қачон билмайсан».
«Барселона» 26 ёшли ҳужумчини сотишни режалаштирмаяпти. Бироқ келаси ёзда уни текинга бой бермаслик учун шартномаси тугаб бораётгани клубни келаётган таклифларни кўриб чиқишга мажбур қилиши мумкин.
