Taniqli britan jurnalisti va teleboshlovchisi Pirs Morgan Madridning «Real» klubi hujumchisi Vinisius Juniorni Londonning «Arsenal» klubiga o‘tishga chaqirdi.
«Qani, Vini! «Arsenal»da sen haqiqiy ilohga aylanishing mumkin», — deb yozdi Morgan o‘z ijtimoiy tarmoqlarida.
Avvalroq «Arsenal» 26 yoshli futbolchi uchun «Real»ga kafolatlangan 100 million yevro va yana 20 million yevroni bonuslar ko‘rinishida taklif qilishga tayyorligi xabar qilingan edi. «To‘pchilar» Vinisiusning o‘ziga yiliga 22 million yevro maosh to‘lashga tayyor.
Vinisius 2018 yildan beri «Real» safida to‘p surib kelmoqda. U madridliklar tarkibida 375 ta o‘yinda maydonga tushib, 128 ta gol urgan va 100 ta golli uzatmaga mualliflik qilgan.
