Таниқли британ журналисти ва телебошловчиси Пирс Морган Мадриднинг «Реал» клуби ҳужумчиси Винисиус Жуниорни Лондоннинг «Арсенал» клубига ўтишга чақирди.

«Қани, Вини! «Арсенал»да сен ҳақиқий илоҳга айланишинг мумкин», — деб ёзди Морган ўз ижтимоий тармоқларида.

Аввалроқ «Арсенал» 26 ёшли футболчи учун «Реал»га кафолатланган 100 миллион евро ва яна 20 миллион еврони бонуслар кўринишида таклиф қилишга тайёрлиги хабар қилинган эди. «Тўпчилар» Винисиуснинг ўзига йилига 22 миллион евро маош тўлашга тайёр.

Винисиус 2018 йилдан бери «Реал» сафида тўп суриб келмоқда. У мадридликлар таркибида 375 та ўйинда майдонга тушиб, 128 та гол урган ва 100 та голли узатмага муаллифлик қилган.