«Abha» erkin agent maqomida bo‘lgan fransuz yarim himoyachisi Nabil Fekir bilan shartnoma imzolaganini e’lon qildi. 33 yoshli fransuzning oxirgi klubi BAAning «Al-Jazira» jamoasi edi.
«Dunyo cho‘qqisidan. Janub cho‘qqilarigacha», — deb yozdi Saudiya klubi matbuot xizmati.
O‘tgan mavsumda Fekir BAA klubi safida barcha turnirlarda 25 ta o‘yinda maydonga tushib, 10 ta gol urdi va 4 ta golli uzatmani amalga oshirdi. Shuningdek, uning hisobida 5 ta sariq va 1 ta qizil kartochka bor.
Ilgari Fekir «Betis» va «Lion» klublarida ham to‘p surgan. 2018 yilda Fransiya terma jamoasi bilan JCH-2018 g‘olibiga aylangan.
