«Абҳа» эркин агент мақомида бўлган француз ярим ҳимоячиси Набиль Фекир билан шартнома имзолаганини эълон қилди. 33 ёшли французнинг охирги клуби БААнинг «Ал-Жазира» жамоаси эди.

«Дунё чўққисидан. Жануб чўққиларигача», — деб ёзди Саудия клуби матбуот хизмати.

Ўтган мавсумда Фекир БАА клуби сафида барча турнирларда 25 та ўйинда майдонга тушиб, 10 та гол урди ва 4 та голли узатмани амалга оширди. Шунингдек, унинг ҳисобида 5 та сариқ ва 1 та қизил карточка бор.

Илгари Фекир «Бетис» ва «Лион» клубларида ҳам тўп сурган. 2018 йилда Франция терма жамоаси билан ЖЧ-2018 ғолибига айланган.