Kanada Bosh vaziri Mark Karni FIFA prezidenti Janni Infantinoning Jahon chempionati huquqlarining bir qismini xususiy investorlarga sotishga bo‘lgan urinishiga munosabat bildirdi.
Ilgariroq FIFA yangi tijoriy tuzilmadagi ulushini xususiy investorlarga sotish orqali 4,2 milliard dollar jalb qilish niyatida ekanini ma’lum qilgan edi. Ushbu tashabbus futbol tashkilotlari tomonidan keskin tanqidga uchradi, shundan so‘ng FIFA loyihani amalga oshirishdan voz kechdi.
«To‘g‘ri boshqaruv degani — o‘zining eng yaqin maslahatchilari, ijroiya direktori va boshqaruv kengashidagi hamkasblaridan muhim narsalarni yashirish degan g‘oya... bu halokatlidir va bu shunday bo‘lishi ham kerak. Bunday vaziyatda siz o‘sha insonga bo‘lgan ishonchni yo‘qotasiz. Albatta, sodir bo‘lgan voqeani va uning mohiyatini inobatga olgan holda, ushbu lahzadan so‘ng menda janob Infantinoga nisbatan hech qanday ishonch qolmadi», — deydi Karnining so‘zlarini keltirgan Reuters.
Telegraph xabariga ko‘ra, agar Infantino o‘z lavozimini ixtiyoriy ravishda tark etmasa, UYEFA unga ishonchsizlik votumini e’lon qiladi. Chorshanba kuni AFP Infantino FIFAning yuqori martabali mulozimlari bilan uchrashuv o‘tkazishni rejalashtirayotgani haqida xabar bergan edi.
