Канада Бош вазири Марк Карни ФИФА президенти Жанни Инфантинонинг Жаҳон чемпионати ҳуқуқларининг бир қисмини хусусий инвесторларга сотишга бўлган уринишига муносабат билдирди.
Илгарироқ ФИФА янги тижорий тузилмадаги улушини хусусий инвесторларга сотиш орқали 4,2 миллиард доллар жалб қилиш ниятида эканини маълум қилган эди. Ушбу ташаббус футбол ташкилотлари томонидан кескин танқидга учради, шундан сўнг ФИФА лойиҳани амалга оширишдан воз кечди.
«Тўғри бошқарув дегани — ўзининг энг яқин маслаҳатчилари, ижроия директори ва бошқарув кенгашидаги ҳамкасбларидан муҳим нарсаларни яшириш деган ғоя... бу ҳалокатлидир ва бу шундай бўлиши ҳам керак. Бундай вазиятда сиз ўша инсонга бўлган ишончни йўқотасиз. Албатта, содир бўлган воқеани ва унинг моҳиятини инобатга олган ҳолда, ушбу лаҳзадан сўнг менда жаноб Инфантинога нисбатан ҳеч қандай ишонч қолмади», — дейди Карнининг сўзларини келтирган Reuters.
Telegraph хабарига кўра, агар Инфантино ўз лавозимини ихтиёрий равишда тарк этмаса, УЕФА унга ишончсизлик вотумини эълон қилади. Чоршанба куни AFP Инфантино ФИФАнинг юқори мартабали мулозимлари билан учрашув ўтказишни режалаштираётгани ҳақида хабар берган эди.
