«Barselona» markaziy himoyachisi Alvaro Kortes asosiy jamoa murabbiylar shtabining ishonchini qozondi.
Jurnalist Serxi Kapdevilaning xabar berishicha, 21 yoshli futbolchi bo‘lajak mavsumda «ko‘k-anorranglilar» asosiy tarkibining bir qismiga aylanishi kutilmoqda. Bosh murabbiy Xans-Diter Flik va klub rahbariyati yosh ispaniyalikning o‘yinidan juda mamnun.
Alvaro Kortes ilgari asosan kataloniyaliklarning ikkinchi jamoasida o‘ynab, u yerda sardorlik bog‘ichini taqqan. Markaziy himoyachi asosiy jamoada hozircha bor-yo‘g‘i bitta rasmiy o‘yin o‘tkazgan — uning debiyuti may oyida La Liga doirasida «Alaves»ga qarshi kechgan (0:1) uchrashuvga to‘g‘ri kelgan edi.
