Angliya terma jamoasining sobiq hujumchisi Maykl Ouen vinger Bredli Barkolaning «PSJ»dan «Liverpul»ga o‘tishi mumkinligi haqidagi mavzuda o‘z fikrini bildirdi.

«U qimmatga tushadi, ammo «Liverpul» nufuzli (maqomli) transferni amalga oshirishiga to‘g‘ri keladi. Ilgari bular Saloh, Mane va Luis Dias edi. Hozirda hujum qanotida o‘ynay oladigan bunday darajadagi futbolchilarning yetishmovchiligi sezilmoqda», — dedi Ouen Liverpool Echo'ga bergan intervyusida.

Qayd etilishicha, «PSJ» o‘z o‘yinchisi uchun taxminan 148 million yevro talab qilishi mumkin.

«Bir necha oy oldin «Liverpul» o‘rnida bo‘lganimda «Vest Hem»dan Jarrod Bouenni sotib olishga harakat qilgan bo‘lardim, degandim. Menga bu juda mantiqiy variantdek tuyulgandi. Ammo endi buning iloji yo‘qdek ko‘rinmoqda», — deya qo‘shimcha qildi Ouen.

Bouen «Vest Hem» Chempionshipga tushib ketganiga qaramay, klub bilan shartnomani uzaytirdi.