Foot Mercato nashrining xabar berishicha, «Marsel» senegallik terma jamoa vingeri Krepin Diattani erkin agent sifatida o‘z safiga qo‘shib olish bo‘yicha rasmiy so‘rov yubordi.
27 yoshli futbolchi 30 iyun kuni shartnomasi yakuniga yetgach, «Monako»dagi muvaffaqiyatli besh yillik faoliyatidan so‘ng klubni rasman tark etgan edi.
«Marsel» bosh murabbiyi Bruno Jenezyo o‘z jamoasining hujum chizig‘ini mustahkamlash uchun Diattaning taktik moslashuvchanligi, boy Yevropa tajribasi va maydondagi mehnatkashligini juda yuqori baholamoqda.
Erkin agent maqomidagi futbolchi JCH-2026 turniridagi ishtirokidan so‘ng o‘z variantlarini sinchkovlik bilan baholab, ayni damda Senegalda mashg‘ulotlarni davom ettirmoqda.
«Marsel» ushbu transferda jiddiy raqobatga duch kelmoqda, chunki Premyer-liganing «Everton» va «Ipsvich Taun» klublari, shuningdek, Germaniyaning «Shalke 04» jamoasi ham hujumchini o‘z short-listiga kiritgan.
