«PSJ» hujumchisi Usmon Dembele Parijga vaqtidan oldin qaytish va jamoaga yordam berish uchun ta’tilini ataylab qisqartirdi, deb xabar beradi GFFN.

29 yoshli fransuz 2026/27 yilgi mavsumdagi ilk sovrinni qo‘lga kiritish va UEFA Superkubogida maydonga tushish uchun imkon qadar tezroq sport formasini tiklashni maqsad qilgan.

UEFA Superkubogi doirasidagi «PSJ» — «Aston Villa» uchrashuvi 12 avgust, chorshanba kuni bo‘lib o‘tadi.

O‘tgan mavsumda Dembele barcha turnirlarda 37 ta o‘yinda maydonga tushib, 19 ta gol urgan va 9 ta golli uzatmani amalga oshirgan. JCH-2026 turnirida esa u Fransiya terma jamoasi safida 8 ta uchrashuvda 6 ta gol urib, 2 ta golli uzatmaga mualliflik qildi.