«ПСЖ» ҳужумчиси Усмон Дембеле Парижга вақтидан олдин қайтиш ва жамоага ёрдам бериш учун таътилини атайлаб қисқартирди, деб хабар беради GFFN.

29 ёшли француз 2026/27 йилги мавсумдаги илк совринни қўлга киритиш ва УEФА Суперкубогида майдонга тушиш учун имкон қадар тезроқ спорт формасини тиклашни мақсад қилган.

УEФА Суперкубоги доирасидаги «ПСЖ» — «Астон Вилла» учрашуви 12 август, чоршанба куни бўлиб ўтади.

Ўтган мавсумда Дембеле барча турнирларда 37 та ўйинда майдонга тушиб, 19 та гол урган ва 9 та голли узатмани амалга оширган. ЖЧ-2026 турнирида эса у Франция терма жамоаси сафида 8 та учрашувда 6 та гол уриб, 2 та голли узатмага муаллифлик қилди.